好鍾意媽媽湊緊嗰對孖女BB
佢哋而家一歲大少少
啱啱識行冇耐
好得意好好玩
孖女BB嘅樣貌同性格都唔相似
姐姐斯斯文文笑容甜美
妹妹眼仔碌碌活潑好動
前排我成日探佢哋
所以而家佢哋都會跟我
通常佢哋見到我入咗屋後五秒內都未洗完手同佢哋玩
佢哋就會開始鼓譟
有次妹妹一見到我仲興奮得手舞足蹈
原來BB好細個已經識爭寵
我抱緊其中一個B時另一個B會走嚟攬住我隻腳
喺哩個時候我就會放低個B然後瞓喺地下
佢哋自然會冇癮地走開
我仲有試過同D BB過夜啦
佢哋成晚輪流喊
嗰晚我都唔知自己總共瞓咗幾多個鐘
不過可以幫佢哋冚被又覺得很開心
哩排病咗冇得探BB
好掛住佢哋呀
唯有多D打電話俾媽媽希望可以聽到background D BB聲
4 comments:
隻手手好肥好可愛呀,
影多啲相吖!
祝你身體快啲好返啊! :)
小朋友又真是幾可愛，喜歡與不喜歡完全不會掩飾．．．．幾好吖！
哦。。。所以上次妳向我個“生男生女”果篇話twins好難照顧。。。
:P
fresh: thanks ar! I'm much much better now :)
bbj: do u wanna make one? :p
hana: yes, come from personal experience ga :p
Post a Comment